top of page
【借用麻雀的本地俚語】
麻雀不止賭博咁簡單，其實仲同我地生活講既野好有關係。不如一齊借麻雀術語同大家一齊睇吓麻雀文化點樣融入生活～
截糊
本意：當某個玩家所出的牌能讓多於一位玩家能和牌，根據規定，出牌玩家的下家有食糊的優先權，其他玩家和牌的機會因而被「截」去。上家在此情況下能和牌令下家食不了糊，是為「截糊」
引申：被別人搶先做某件事
例句：早知食快啲啦，最後嗰件蛋糕畀細佬截咗糊啦！
高章
本意：打牌高手
引申：手段高明
例句：嗰個魔術師真係高張，我完全睇唔出佢有咩破綻！
食詐糊
本意：以為食糊（成功組合手上所有麻雀牌），但攤開十四隻牌發現其實並未達到和牌條件
引申：錯報喜訊；以為十拿九穩的事情落空
例句：阿爺尋晚對六合彩發現中咗獎，點知今日落到投注站先知道食詐糊，真係空歡喜一場。
過一戙
本意：打麻雀時懷疑別人出千或想轉運，可要求過牌把牌打亂；一般會過三戙。而有時候過了一戙，可能會造就他人的好運氣
引申：（俾人過一戙）想佔別人便宜反被佔便宜；現時多被理解為「被佔便宜」
例句：諗住同佢一組做功課可以輕鬆啲，點知佢今次竟然過我一戙，搞到我日日做到冇停手。
冧莊
本意：因食糊繼續做莊家
引申：連任一個職位或位置
（大學：因沒有承繼人，沒法卸任幹事職位，學會的原班人馬連任兩屆）
例句：電視嗰個女明星演技真係好好，難怪佢冧莊影后！
bottom of page